Helburu honen bidez gizarte-eraldaketa sustatu nahi da, are gehiago immigrazioaren aurkako joera geopolitiko nabarmena bizi dugun une honetan. Horretarako, gobernantza-espazioetan parte hartzen dugu, politika publikoetan eragiten dugu eta herritarren kontzientzia indartzen duten narratibak eta diskurtsoak bultzatzeko sentsibilizazio-tresnak sortzen ditugu.

• OE1.1 Gai zehatzen lanketa espezializatua lan-taldeen bidez: azterketa, sareko lana, sentsibilizazio-kanpainak, eragin sozial eta politikoko ekintzak, lurraldetasuna eta feminismoa. Gazteriaren, bakardadeen eta etxebizitzaren arloan aktiboki lan eginez.
• OE1.2 Kanpo-komunikaziorako estrategia baten garapena, online eta offline.
• OE1.3 Arloko argudiategi eta narratiba propio eta adostu baten sorrera.
• OE1.4 Sortutako sare-espazioetan parte hartzea (ZAS - Zurrumurruen Aurkako Sarea), lehendakaritza-kargua betez.
• OE1.5 Sareen Sarean parte hartzea, lehendakaritza-kargua betez, bai eta handik eratortzen diren espazio guztietan ere.
• OE1.6 Autonomia- eta foru-mailako gobernantza-espazioak sustatzea eta horietan parte hartzea.

Helburu honek, lehentasunez, koordinakundeko kide diren gizarte-erakundeak indartzea du xede, baita migrazioen arloko elkarte-sarea osatzen duten gainerako erakundeak indartzea ere, eta sare horretako beste ekimen eta espazio batzuk sustatzea.

Indartze hori elkar ezagutzea errazten duten planteamendu, ekintza eta jardueren bidez gauzatzen da; eskubideen arloko oinarrizko informaziorako sarbidea ahalbidetuz; jasotzeko eta entzuteko lankidetza-espazioak sortuz; erakundeen arteko koordinazioa bultzatuz, sinergiak identifikatuta; eta lan-metodologia markoak edo ad hoc sortutako metodologiak aplikatuz, parte hartzeko modu desberdinak eta erakundeen izaera anitza errespetatuta.

• OE2.1 Kide diren erakundeen koordinazioa: entzutea, beharrak identifikatzea, eskaerak jasotzea, bizi-zikloaren jarraipena...
• OE2.2 Informazio-egituraren kudeaketa zuzendaritza-batzordeen, batzar orokorren, lan-taldeen eta abarren esparruan...
• OE2.3 Parte hartzeko sistema nodularrak bultzatzea eta sortzea (lurraldeko elkarte-indartzea-lurraldetasun estrategia).
• OE2.4 Boluntariotza sustatzea kide diren erakundeen bidez.
<liOE2.5 Barne-komunikazioko estrategia diseinatzea, ebaluatzea eta etengabe mantentzea.

Helburu honek sareko langile teknikoen ikerketa-potentziala baliatzen du erakundeetako erabiltzaileen bizi-testuinguruak aztertuko dituzten ikerketa-prozesuei heltzeko, ikerketa-proiektuetan eta batzorde zientifikoetan parte hartzeko, gizarte-eremuaren eta Akademiaren arteko ezagutza-transferentzia gisa, bai eta artikulu akademikoak eta ponentziak egiteko eta unibertsitate-kongresuetan parte hartzeko ere (ikerketa-gaurkotasunera egokitzeko, argudiategia eta kontzientzia propioa sortzeko, eta eragin politiko eta sozialaren ikuspegitik jarduteko balizko bideak irekitzeko helburuarekin).

• OE3.1. Ikerketa-eremu berritzaileak identifikatzea eta proposamenak garatzea.
• OE3.2. Gizarte- eta erakunde publikoetako eragileak ko-sortzaile gisa identifikatzea.
• OE3.3. Ikerketa-prozesuak kontrastatzeko eta aholkularitza jasotzeko espazio akademikoetan parte hartzea.
• OE3.4. Ezagutza espazio akademikoetan zabaltzea eta aplikagarri egitea.
• OE3.5. Artikulu akademikoen eta ponentzien idazketan parte hartzea, eta kongresu akademikoetara joatea.

Helburu honek Harresiak Apurtuzen jasangarritasun ekonomikoa eta funtzionamenduaren jasangarritasuna bermatuko dituen eragile anitzeko lankidetza-sistema bultzatzea du xede.

• OE4.1 Finantzaketa publikoaren bideak identifikatzea eta sendotzea, eta harreman instituzionalen plana garatzea.
• OE4.2 Finantzaketa pribatuaren bideak identifikatzea eta proposamenak garatzea.
• OE4.3 Enpresak eragile gisa txertatzea, 2030 Agendaren esparruan eta sektoreen arteko elkarrizketan lan egiteko.
• OE4.4 Sareko kide diren erakundeekin lankidetzarako aukerak aztertzea.